Wasiirka Gaashaandhigga oo Kulan la yeeshay Safiirka Dowladda Qatar

0
89

Wasiirka Wasaaradda Gaashaandhigga Xukuumadda Federaalka ee xilgaarsiinta Cabduqaadir Maxamed Nuur ayaa Maanta kulan gaar ah la yeeshay Safiirka dowladda Qatar u qaabilsan Arrimaha Soomaaliya Xasan Bin Xamsa.

Kulanka dhexmaray Wasiir Cabduqaadir Maxamed iyo Safiir Xasan bin Xamsa ayaa waxaa ay kaga wada hadleen xoojinta xiriirka ka dhexeeya dowladdaha Qatar iyo Soomaaliya ee ku saleysan dhinacyada horumarinta iyo Ganacsiga.

Wasiirka Gaashaandhigga xilgaarsiinta ayaa uga mahadceliyay Dowladda Qatar is garabtaagga Soomaaliya gaar ahaan mashaariicda horumarineed ee Dowladda Qatar ay ka fulineyso gudaha dalka Soomaaliya.

Safiirka Qatar ee Soomaaliya Xasan Bin Xamsa ayaa sheegay in ay diyaar u yihiin markasta xoojinta xiriirka walaaltinimo ee labada dowladood, wuxuuna Wasiir Cabduqaadir sheegay in Qatar kaalin muhiim ah ka qaadatay dib u dhiska dowladnimada iyo amniga intaba.

Dowladda Qatar ayaa waxaa ay kamid tahay dowladdaha taageera siiya dowladda Federaalka Soomaaliya, waxaana la sheegaa inay xiriir dhow la leedahay Madaxweynaha muddo xileedkiisa dhammaaday ee Maxamed Cabdullaahi Farmaajo.

LEAVE A REPLY

Please enter your comment!
Please enter your name here