Maxaa ka soo baxay kulankii Biden iyo Erdogan?

0
50
WASHINGTON, DC - MARCH 31: U.S. Vice President Joe Biden (L) meets with Turkish President Recep Erdogan on March 31, 2016 in Washington, DC. Erdogan is in Washington to attend the Nuclear Security Summit. (Photo by Win McNamee/Getty Images)

Madaxweyneyaasha Mareykanka iyo Turkey Joe Biden iyo Recep Tayyip Erdogan ayaa wadahadalladii fool-foolka ahaa ee ay markii ugu horreysay shalay yeesheen ku tilmaamay inay ahaayeen ‘kuwa miro-dhal ah’, laakiin ma aysan shaacin horumar weyn oo laga garay xiriirka labada dal.

Biden ayaa saxafiyiinta u sheegay kaddib kulankii Isniintii ka dhacay magaalada Brussels in wadahadalku uu ahaa ‘mid wax ku ool ah oo miro-dhal ahaa’, wuxuuna sheegay inuu ku kalsoonyahay in horumar dhab ah laga gaari doono wadahadallada uu la leeyahay Turkey.

Erdogan ayaa isna dhiniciisa wadahadlladan ku tilmaamay inay ahaayeen kuwa si daacad ah la isku weydaarsaday.

“Waxaan u maleyneynaa inaysan jirin arrimo u dhexeeya xiriirka Mareykanka iyo Turkiga oo aan la xallin karin iyo in meelaha iskaashiga nagala dhexeeya ay ka taajirsan yihiin kana weyn yihiin dhibaatooyinka” ayuu yiri Erdogan.

Wadahadalkan ayaa imanaya xilli labada dal oo ku jira xulufada NATO ay isku khilaafsan yihiin arrimo dhowr ah oo ay ka mid yihiin Syria, Libya iyo soo iibsashadii Turkey ee hubka Russia.

 

LEAVE A REPLY

Please enter your comment!
Please enter your name here