Golaha Deegaanka magaalada Gaalkacyo ayaa maanta doortay Duqa magaalada Gaalkacyo iyo ku xigeenkiisa.
Goobta lagu qabanayay Doorashada Duqa Magaalada Gaalkacyo iyo ku-xigeenkiisa ayaa waxaa goobjoog ka ahaa dhammaan xubnaha Golaha deegaanka, Wasiirka Arrimaha gudaha Galmudug, Mas’uuliyiin iyo qeybaha kala duwan ee Bulshada.
Xildhibaanada cusub ee Golaha deegaanka Gaalkacyo ayaa duqa magaalada u doortay Cabdiraxmaan Sheekh Xasan u doortay oo musharixii la tartamayay uu u tanaasulay.
Sidoo kale Xildhibaanada golaha deegaanka ayaa u doortay ku-xigeenka duqa magaalada Maxamed Cabdi Cilmi isagoo ka guuleystey musharaxiintii uu la tartamayay.
Maxamed Cabdi Cilmi ayaa helay codad gaaraya 17-Cod, halka Cabduqaadir Maxamed uu helay 6 cod iyo Bile Xuseen oo ahaa musharaxii saddexaad oo isna helay 2 cod.
