Dowlada federaalka oo Gargaar Caafimaad gaarsiisay Gaalkacyo

0
35

 

 

Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa ka jawaabay Qaylo dhaanta ay dhawaan soo direen  Maamulka Degmada Gaalkacyo iyo kan Gobalka Mudug iyo Bulshada ku dhaqan degaannada Mudug.

Duqa Degmada Gaalkacyo  mudane Cabdiraxmaan Shiikh Xasan ayaa garoonka Diyaaradaha Gaalkacyo kula wareegay Agab iyo Daawo loogu Talagalay ka hortagga  COVID-19 oo ka yimid Dowladda Federaalka Soomaaliya.

Diyaaradaan Gargaarka Caafimaad siday oo  soo caga Dhigatay Garoonka Diyaaradaha Oshaako ayaa wareejinta Gargaarka waxaa Duqa Degmada kala qeyb galay Mas’uuliyiinta Wasaaradda Caafimaadka Galmudug.

Waxaa kale oo goob joog ahaa Guddiga ka hortaga  COVID-19  ee Dhawaan Maamulka Gobalka Mudug iyo kan Degmada Gaalkacyo ay magacaabeen.

Gargaarkan Caafimaad oo soo gaaray Degmada Gaalkacyo ayaa ahaa haqabtirkii Bulshada ku dhaqan degaannada Galmudug, waxaa ka mahceliyay Duqa Degmada Gaalkacyo Mudane Cabdiraxmaan Sheekh Xasan oo yiri “Waan guddoonay deeqdii Caafimaadka aheyd ay noo soo dhiibtay Federaalka Soomaaliya”.

LEAVE A REPLY

Please enter your comment!
Please enter your name here