Tababar ku saabsan ka qeybgalka siyaasadda dadka qabo baahiyaha gaarka ah oo lagu qabtay Muqdisho

0
56

 

 

Xildhibaanno ka tirsan BFS oo ka qeyb galay tababbar ay Muqdisho ka furtay xarunta cilmi barista iyo horumarinta aadanaha kaas oo ku saabsan ka qeybgalka siyaasadda ee dadka baahiyaha gaarka ah qabo.

Tababbarkan oo socon doono muddo seddex cisho ah ayaa waxaa soo qaban qaabiyay xarunta cilmi baarista iyo horumarinta aadanaha, waxaana kasoo qeyb galay xildhibaanno ka tirsan labada aqal ee baarlamaanka Soomaaliya, mas’uuliyiinta ka tirsan xarunta cilmi baarista iyo ururada naafadda ee ka jira dalka.

Tababbarka oo ku saabsan ka qeyb galka dadka baahiyaha gaarka ah qaba ee dhanka siyaasadda ayaa waxaa lagu falanqeeyay sidii loo heli lahaa fursado siman waxaana ugu horeyn ka hadlay Isu duwaha barnaamijyada xarunta cilmi baarista iyo horumarinta aadanaha Cabdi Aadan Cismaan oo faahfaahiyay ujeedka tababbarka.

Guddoomiyaha guddiga xuquuqul insaanka, Haweenka,Carruurta iyo cadaaladda aqalka sare Samsam Ibraahim Cali oo furtay tababbarka iyo Xoghayaha guddiga xuquuqul insaanka,haweenka iyo arrimaha qoyska Golaha shacabka Sahra Cumar Maalin ayaa sheegay in mas’uuliyad ay ka saaratahay sidii loogu doodi lahaa xuquuqda dadka baahiyaha gaarka ah qabo.

Qaar kamid ah ka qeyb galayaasha tababbarka ayaa xarunta cilmi barista iyo horumarinta aadanaha uga mahadceliyay fursadan, iyagoo codsaday in ay helaan doorkooda arrimaha siyaasadda.

LEAVE A REPLY

Please enter your comment!
Please enter your name here