Ciidanka DANAB oo Fuliyay Howlgal Lagu Dilay Xubno Ka Tirsan Al-Shabaab

0
42

Ciidamada Xoogga dalka Soomaaliya ee DANAB ayaa saacadihii lasoo dhaafay howlgal qorsheysan waxaa ay ka sameeyeen deegaano ka tirsan Gobolka Shabeellaha Hoose oo ay ku sugnaayeen xubno ka tirsan Al-shabaab.

Ciidamada Xoogga ayaa howlgalka sigaar ah uga sameeyay tuulada Buulo Xaaji iyo deegaano kale oo ka tirsan Shabeellaha Hoose, waxaana howlgalkaas la sheegay in lagu dilay xubno ka tirsan Al-shabaab.

Saraakiil ka tirsan Ciidamada oo la hadlay warbaahinta dowladda ayaa u sheegay in howlgalka lagu dilay Sarkaal ka tirsan Al-shabaab iyo 10 dagaalame oo la socday, waxaana magaca Sarkaalka lagu sheegay Ismaaciil Jiis.

Sidoo kale Saraakiisha Ciidamada dowladda ayaa tilmaamay in howlgal kale oo la fuliyay lagu beegsaday goob Al-shabaab ku diyaarinayeen qaraxyo ka dib markii ay heleen xogo sirdoon, waa sida hadalka loo dhigay.

Ciidamada Xoogga dalka iyo Al-shabaab ayaa waxaa deegaano dhowr ah oo ka tirsan Gobolka Shabeellaha Hoose ku dhexmaray dagaalo kala duwan oo geystay khasaaro, sidoo kalena halkaas ay ka dhaceen weeraro.

 

LEAVE A REPLY

Please enter your comment!
Please enter your name here