Shirka ka hor tagga cudurka COVID-19 oo ka dhacay Muqdisho

0
37

 

 

Ra’isul wasaaraha xukuumadda Soomaaliya, Maxamed Xuseen Rooble, ayaa maanta shir guddoomiyay kulan looga hadlay xakameynta iyo ka hor tagga soo labo kacleynta COVID-19 ee dalka, sida ay sheegtay wasiirka caafimaadka Soomaaliya Fowziya Abiikar Nuur.

Wasiirka caafimaadka ayaa xustay in tirada kiisaska xanuunka ay sii kordhayaan, isla markaana ay muuqato soo labo kacleyntii labaad  ee cudurka.

“Kowdii ilaa 11 Febraayo ku dhowaad labo usbuuc tirada kiisaska ay aad u korartay dad badan ayaa isbitaal De Martini la geeyay,” ayay tiri wasiir Fowziya.

Shirka waxaa looga hadlay sidii wacyigelinta xanuunka loo kordhin lahaa waxayna isla garteen in la soo celiyo xirada af-xirka ama Face-mask, la kala fogaado isla markaana dadka waa weyn si gaar ah loo ilaaiyo, si loo xakameeyo faafitaanka cudurka.

Sida laga soo xigtay saraakiisha caafimaadka todobaadyadii u dambeeyay wxaa kordhay tirada kiisaska cudurka corona iyadoo dhimasho badan la soo wariyay, sidoo kale waxaa jira bukaano badan oo la geeyay isbitaal De martini ee magaalada Muqdisho.

 

LEAVE A REPLY

Please enter your comment!
Please enter your name here