Guddoomiyaha Gobolka Banaadir Oo Kulan La Qaatay Safiirka Qatar Ee Somalia

0
53

Guddoomiyaha Gobolka Banaadir ahna Duqa magaalada Muqdisho Cumar Maxamuud Maxamed (Cumar Filish) ayaa maanta xafiiskiisa ku qaabiley Safiirka Qatar u fadhiya Soomaaliya.

Kulanka dhexmaray Guddoomiye Cumar Filish iyo Safiir Hassan Hamza ayaa waxaa looga wasa hadlay intii uu socday horumarinta mashaariicda Dowladda Qatar ka wado Soomaaliaya, gaar ahaan Gobolka Banaadir.

Sidoo kale Qoraal kasoo baxay Maamulka Gobolka Banaadir ayaa waxaa lagu sheegay in kulanka looga hadlay sidii loo dar dargelin lahaa mashaariicda kala duwan ee ay Qatar ka hirgelineyso caasimadda dalka ee Muqdisho.

Kulanka waxaa goob joog ka ahaa qaar ka mid ah ku-xigeenada Guddoomiyaha Gobolka Banaadir, waxaana uu ku soo idlaaday jawi is afgarad ah.

Dowladda Qatar ayaa kamid ah dowladdaha sida weyn u taageera dowladda Federaalka  Soomaaliya, waxaana Guddoomiyaha Gobolka Banaadir uu horey kulan ula qaatay qaar kamid ah Safiirada Beesha Caalamka ee Soomaaliya.

 

LEAVE A REPLY

Please enter your comment!
Please enter your name here