Dagaal xoogan oo ka dhacay degaano ka tirsan Gobolka Hiiraan

0
168

 

Dagaalka oo geystay khasaaro isugu jira dhimasho iyo dhaawac ayaa waxaa uu Maanta ka dhacay degaano hoostaga degmada Jalalaqsi oo ka tirsan gobolka Hiiraan, waxaana uu dhex-maray Xubno kamid ah kooxda Macaawiisleey iyo Al-Shabaab.

Dagaalka ayaa waxaa uu ka dambeeyay, kaddib markii sida la sheegay Xubno ka tirsan Al-Shabaab ay weerar ku qaadeen Xarun ay ku sugnaayeen Kooxda Macaawiisleey oo ku taalla degaanka Ceel-Ceed oo qiyaastii 4-km u jira Degmada Jalalaqsi ee Gobolka Hiiraan.

Goobjoogayaal ayaa waxaa ay sheegeen inay maqlayeen dhawaqa rasaasta ay isku adeegsanayeen Xubno ka tirsan Kooxda Macaawiisleeyda oo dagaalka kula jira Al-Shabaab iyo Ururka Al-Shabaab, isla markaana uu jiro khasaaro dagaalka kasoo gaaray labada dhinac.

Wararkii ugu dambeeyay ee naga soo gaaraya degaanka Ceel-Ceed oo qiyaastii 4-km u jira Degmada Jalalaqsi ee Gobolka Hiiraan ayaa waxaa ay sheegayaan in halkaasi ay ku sugan Xubno ka tirsan Kooxda Macaawiisleeyda, isla markaana ay ka wadaan dhaq dhaqaaqyo Ciidan.

 

LEAVE A REPLY

Please enter your comment!
Please enter your name here